Read Aloud the Text Content

This audio was created by Woord's Text to Speech service by content creators from all around the world.

Text Content or SSML code:

PRINCEPS gloriosissime, Raphael Archangele, esto memor nostri hic et ubique semper precare pro nobis Filium Dei, alleluia, alleluia. V. Stetit Angelus iuxta aram templi. R. Habens turibulum aureum in manu sua. DEUS, qui beatum Raphaelem Archangelum Tobiae famulo tuo comitem dedisti in via concede nobis famulis tuis ut eiusdem semper protegamur custodia et muniamur auxilio. Per Dominum nostrum Iesum Christum. Amen. DIRIGERE dignare, Domine Deus, in adiutorium nostrum, sanctum Raphaelem Archangelum et quem tuae maiestati semper assistere credimus, tibi nostras exiguas preces benedicendas assignet. Per Christum Dominum nostrum. Amen. O CAELESTIS medice et comes fidelissime, sancte Raphael, qui Tobiae seniori visum restituisti, iuniorem per omnes suscepti itineris vias deduxisti et incolumem conservasti esto corporis et animae meae medicus, pelle ignorantiae tenebras, mihique in periculosa huius vitae peregrinatione constanter assiste, donec me ad caelestem patriam perducas. Amen.