Read Aloud the Text Content

This audio was created by Woord's Text to Speech service by content creators from all around the world.

Text Content or SSML code:

நெட்வொர்க் மார்க்கெட்டிங்கை நான் ஏன் ஒரு வியாபாரமாகப் பரிந்துரை செய்கிறேன் பின்வரும் கடிதம், எனக்கு அடிக்கடி வரும் கடிதங்களுக்கு ஓர் உதாரணம்: அன்புக்குரிய திரு கியோஸாகி, நீங்கள் நலமாக இருப்பீர்களென நம்புகிறேன். என் பெயர் சூசன். நான் இந்தக் கடிதத்தை என் கணவர் ஆலனுக்காக எழுதுகிறேன். அவர் உங்களது அனைத்துப் புத்தகத்தையும் வாசித்திருக்கிறார். மேலும் சிறந்த தொழில்முனைவராகவோ அல்லது வர்த்தகராகவோ இருப்பதற்கான ஆற்றலைக் கொண்டுள்ளார். நான் உங்களுக்கு எழுதப் போவதாகவும் சில விஷயங்கள் குறித்து உங்களது அறிவுரையைக் கேட்கப் போவதாகவும் அவரிடம் கூறியிருந்தேன். தனிப்பட்ட விதத்தில், நான் உங்களது புத்தகம் ஒன்றையும் படித்ததில்லை, எனவே அத்தகைய விஷயங்களில் உங்களுடைய நிலைப்பாடு எதுவும் எனக்குத் தெரியாது. ஆனால் என் கணவர் பெரும்பாலான நேரத்தை (நிறுவனத்தின் பெயர் அழிக்கப்பட்டுள்ளது) நிறுவனத்தில் செலவிட்டு வருகிறார். அது பிரமிடு போன்ற கட்டமைப்பு கொண்ட ஒரு நிறுவனம், அந்நிறுவனம் விட்டமின்கள் மற்றும் இதர உடல்நலம் சார்புடைய பொருட்களை விற்பனை செய்கிறது. இச்சங்கில் அமைப்பில் மேலே இருக்கும் நபர், அவருக்காக விற்பனை செய்வதற்காக உங்களைத் தேர்ந்தெடுத்துள்ளார்.